Gmail thawn sual palh thiah lehdan

G-mail thawn sual palh te i nei ngai em? Mail i ziak a, thawn chhuah i hman hmain “SEND” button i hmet palh em?Gmail hmangtute tan mail thawn sual palh thil thuah invenna thar siam chhuah a ni. Tunhnai mai khan Google company chuan Gmail hmangtute tan mail thawn sual palh thilthuah thawn tawh sa pawh lak kir leh ( Undo ) emaw chawhreh dan an siam belh thu 24/08/2010 thawhtanni khan official in an tlangzarh a. Nikum lam atang tawh khan he thil hi Google company chuan a buatsaih tawh a, mahse tun hnai mai hian changtlung lehzual zawkin an siam thar thu Google thupuangtu pakhat chuan a sawi a.
Engtin nge mail thawn chhuah sa te chu kan lak let leh theih ang? A nihna takah chuan kan mail thawn chhuah sa kha la kirin min rawn thawn let leh a ni lova, “kan mail thawn chhuah te hi second 30 chhunga lak let leh emaw siam rem leh theih turin an lo dah tha rih mai zawk ni”.

Gmail thawn sual palh lak let leh dan chu hetiang hian a ni :

  1. I Gmail hawng la Google labs ah khan kal rawh. Google labs i hmel hriat ngai lo a nih chuan ( Thlalaka mi ang hian a number indawtin en la ) i mail chung ber tlar a Moretih kha hmet la.
  2. Even More tih ah khan hmet leh rawh.
  3. Ding lam colum a Explore and Innovate tih tlar hnuaia Labs ah khan hmet leh la.
  4. Other experiments at google tih huanga Gmail labs ah khan hmet leh rawh.
  5. Phekpui hnuai lamah Undo Send tih i hmuh hunah Enable tih ah khan hmet la, chu mi zawh chuan phekpui hnuai ber a Save Changes tih kha nemngheh nan han hmet leh zuai la.
  6. Tun chu I Gmail phekpuiah khan kir leh la a chung tlar, ding lam sira Setting ah khan hmet leh la Undo send tih i hmu mai ang.
  7. Undo send tih huanga Send cancellation period tih ( secods 10 ) kha Seconds 30 ah thlak rawh.
  8. Gmail thawn chhuak la, i thawn chhuah ve leh Your message has been sent tih hriattirna i dawng ang. Khami dinglam sir chiaha Undo tih kha hmet la i mail thawn chhuah hlim hlawl kha i hmu leh ang a SECONDS 30 chhungin i duh leh i chawk reh thei a, i duh leh i siam rem thei bawk a ni.

source:http://www.mizokhawvel.com

KMA meet vawi hnihna

28/Aug


Vawin khan Kerala Mizo meet chu KTS Kottarrakara ah neih ani a. Duan lawk tawh ang in Programe hi Chawhma dar 11 ah tan ni in,kan Vice president David Tawkchungnunga’n inkhawm hi a kai hruai a. Sangluaia IBTS Kotayam ami in inkhawm pathian hnen ah hlanna hun a nei a. Tichuan, kan secretary Rama Ralsum hnen atang in welcome speech leh kum 2009-2010 chhunga KMA hmalak na te report pekna hun anei a. Thlengtu lam KTS in group zaiin min lo awi a

Hemi zawh hian College tin ai awh te atang in leh hmunhran atanga lokal ten Introduction neiin , Kan Thusawitutur Pu Kurian Thomasa(Pi LIani Pasal) Trivandrum ami chuan thuchah tawi sawina a nei bawk a.

Thuchah tha tak Pathian thu lam hawi si a a sawi zawh chuan,Engg zirlai mipa ten hla mawitak a sa in min awi leh bawk a,

Tichaun kan President kal chhuakta Lalrinmawia Hnamte chuan KMA chungchang te,Member lak chungchangte leh Kan zavai tana hriattur pawimawh awm ang chi te,sawina hun a nei ve leh a

Thusawi te leh engemaw pawimawh tih zawh anih in , R.Lalzamliana kannur ami in lawmthu sawina hun a hmang a,

chumi zawh chuan hla sakhona neih niin kan inkhawm hmasa ber chu PAstor Lalremlian an malsawm tawngtaina in kan hun min khar sak ta ani…

2nd session hun hi kumina keral a mizo lokalthar te pual programe tawite hman ani a.Tv Lalrinmawia’n kai hruai in.anmahni theuh in introduction te pe in fuihna leh trhu tl;em sawina hruaitu in neiin hun chu khar ani leh ta ania.

Chawhlui kil ho na neih nghal ni a,Pu Kurian Thomas an pa thian hnen ah lawmthusawi tawngtaina neiin tichuan akn zaviain KTS college Dinning hall ah chuan chaw eikhawmna kan nei ta a.chawlh lailawk te neih zawh hnu in,  kan program hnuhnungber tur Kum 2010-2011 hruaitu tur thlanna  chu kannei ta ani.

He inthlan hi comitee in nominee alo ruat tawh te a tanga thlkan tur a tih ani a, Inthlan Buaipui tu te hi

Returning Ofocer ah Pastor Lalremliana

Polling oficers ah Lalrinmawia Hnamte leh Rama Ralsum te an ni a

In thlanna chu felfai tak leh tluang taka zawh alo ni ta  a, Kum 2010-2011 KMA hruaitu tur a kan thlan chhuah te chu hengmite hi anni

President: David Tawkchungnunga

Vice President: Jonathan Vanlalruata

Secretary: Lalrosiama Zote

Asst Secretary: R.Lalzamliana

Tresurerer: Lalmawipuia Khiangte

in thlanna neih zawh anih hian OB thar leh Hluite thut fual nghal niin comitee lo awm leh hmas ber tur ah charge in hlan chu a awmdawn ani…..

Tunlai Aizawl

Tunlai chu Aizawl ah pawh khua a vawt deuh sur mai. A lum lai berin degree Celcius 50 a tling lo a, a vawh lai berin degree Celsius -5 a la thleng lo bawk. Ruah a sur leh thin a , mahse a sur tam vak lo. A sur tam lai berin minute khat chhungin bucket khat a tling hman lo a, a sur tlem lai ber pawhin YMA thingpui no khat a sur tling lo maithei bawk. A tawi zawngin khua a vawt vaklo a, a lum vaklo bawk a, a nuam tawk hle.

Onam chawlh lai ni mahse thahnemngaihna avangin hna chawlh phah an awm lem lo a, mi zawng zawng an buai ngaiin an buai tluang zel.

Scooty neih belh an pung zel a, mipa aiin hmeichhe scooty khalh an tawm tawh zawk niin a lang. Two wheeler taxi hman tum ani pawh hi tlangval tam tak chu an lo lawm hle.

Onam nepnawi

Kerala  kut pui Onam chu kan lo thleng leh ta reng mia. Mizo ten a kan hman tum dan thankhat te

Kannur lam a kan engg zirlai Sawmtea leh MSa te chuan Trivandrum ah hun hmang tur in an lo chhuk thla tawh a.Nuam an ti hle niin thu kan dawng.Zama erawh chu Coimbatore lam ah a chho hmasa phawt a,thawhtan lam ah Trivandrum a pan ve ang.

Kollam lam  Mama pawh Palakad lam ah vawin hian a chho dawn a,Nilai ni  vel ah Trivandrum alo lut phei ve ang.

CET lama kan nula te 3 Hostel ankhar avang in Thampanoor lam ah an in bengbel mek a chutih lai in Mipa lam erawh Hostel lam ah an awm thei thung a,Footbll Coaching Ruata leh Mawipuian an pe mek ani awm e.

Kovalam leh Trivandrum lama kan thian hnathawka awmte erawh he chawlh hun hi an buai lai in a nang chho tan mek bawk.

Hmun hran hran a kan Theologian te erawh chawlh an pek tam tawk theih loh a vang in an mahni Hostel lam theuh ah an khawsa chhunzawm bawk.

Kan Adviser Pi Liani pawh a dam tha tawh a,Mahse ala chak lo hle.

Kan nula te 3 – Ruati of Kovalam. Duhsaki of Cochi leh Tebawihi of Cet te chuan chawlh hmang in Zoram lam ah an haw bawk.

28 Aug a mizo meet neih tur pawh inbuatsaihna kal pui mek zel ani.Kan vaiin kal vek i tum ang u.

Hriatpuia’n Kerala a chhuahsan ta

Tv Hriatpuia chuan College of Engineering.Trivandrum atang in  Architect zir zo in,Vawiin 18/8/10 khan zoram lam pan in kerala a chhuahsan ta.

Puia hi kerala mizo te  Website hman mek leh KMA Logo te  design tu  a ni. A hmalam hun atan Duhsakna kan hlan e.

2010-2011 KMA Hruaitu tur nominee te

Kum 2010-2011 chhunga  Kerala Mizo Association  hruaitu tura nominee te-

Kerala Mizo Annual Meet Vawi 2na, tun Onam a neih turah hian hruatu thar thlan ani ang.

Jonathan Vanlalruata

College of Engineering

Trivandrum

.

.

David Tawkchungnunga

Kerala Theological Seminary

Kottarakkara

.

Rosiama

College of Engineering

Trivandrum

.

.

Lalmawipuia Khiangte

College of Enguneering

Trivandrum

.

Lalruatkimi

Taj Resort

Kovalam

.

Lalrinzuali

College of Engineering

Trivandrum

.

PC Lalhmingchhuani

Udaya Sumatra

Kovalam

.

.

.

R.Lalzamliana

Govt College of Engineering

Kannur

.

Vabeihnero(Aroa)

Pattom

Trivandrum

KRISTIAN SIPAITE AN TAWNGTAI HIAN

“Mangan ni-ah chuan mi ko la, ka chhanhim ang che. Tichuan nangin mi chawimawi dawn nia a ti a.” Sam 50:15

Rom Lalber, Marcus Aurelius-a chu Rom dotu hmar lam ram tangrual sipaiho chuan an hual bet tlat mai a. Rom sipaiho chan chu a chhe tawh hle a ni. An rawn bei thut thin a ni ringawt lo; ei leh in tur an nei tawh lo a ni. Marcus-a chuan, “Pathianten min tanpui a nih ngawt loh chuan beisei a bo ta. In hote kha din tlartir ula, Jupitar leh Mars pathiante hnenah min tanpui theih takin tawngtai rawh se,” a ti a. Mahse ni li zet an tawngtai hnu-ah pawh chhanna a la awm chuang lo. A ni ngana-ah Lalber chuan Kristian hlang awmna, Militine Regiment-ho chu a kova. “Kan pathiante chuan min chhang duh ta lo. In Pathian chu pathian awm chhun nia sawiin kan pathiante hi in be duh lo va, in Pathian hnena tanpuina dil turin ka ti che u a ni,” a ti a. Sipaiho chu camp atanga hla vak lovah kal sawnin hetiang hian an va tawngtai ta a. “Lalpa, Isua Krista hmingin I hnen kan rawn pan e. A hminga kan dil apiang min pek I tiam a. Khawngaih takin ruah rawn surtir la, Pathian nung I nihzia chu han lantir teh. Kan Lalber hi malsawm la, amah leh a sipaite hnenah vawiin hian zahngaihna lantir ang che. Lalpa, khawngaihtakin ruah rawn surtir rawh,” tiin. Chawp leh chilhin kawlkilah chhum dum a rawn let but but a, ruah chu a rawn sur ta buan buan mai a. Kawl a phe a, khawpui a ri dur dur bawk a. Lalber chuan hemi tuma a thil tawn hi Rome-a roreltute hnenah ti hian a ziak nghe nghe: “Hmelmate bei zel thei rual kan ni lo tih ka hriat chuan kan pathiante chu ka au va; min chhang si lo. Min hual reng si avangin mi thenkhat, Kristian kan tihho chu ka ko ta a….. Hengho, misual tak nia kan lo ngaih thinte hi tunah chuan thinlung taka Pathian dik betuah kan ngai ta. Leiah bawkkhupin ka tan chauh ni lo, sipaiho zawng zawng tan an dil a. Kan eitur leh intur tlakchhamna lak atanga min chhanchhuak turin an dil a… Bawkkhupin ka la hriat ngai loh Pathian hnenah chuan an tawngtai a. A hnu lawkah chuan ruah vawt nuam tak mai hi a rawn sur ta a. Kan hmelmate chu rial, leh tek leh khawpuiin a nuai nek thung a. Chuvangin heng mite hi Kristian nih kan phalsak ta a ni. Chutilo chu an tawngtai ang a, hrem kan tawk mai palh ang e,” tiin. Fox’s Book of Martyrs, p. 59 In vengah harsatna tawk mek an awm em? An tan in tawngtaina khan thil awmzia a tidanglam vek thei tih hriatreng hi a pawimawh hle. Harsatna tawh laia mi tan kan tawngtaina hi Pathian kan chawimawina ropui tak a ni.

Women’s Ministry, First Mizo SDA Church. Courtesy: Dorothy Watts

source: http://www.buannel.com

HNA THAR

CET atanga kan senior chhuak ta Hminga chuan PCa  hnung zuiin North East Consultant Service ah Project

Engineer hna a hmu thar e…A bikin Lunglen member ten kan lawmpui hle….An kalzel na turah duhsakna sang ber kan hlan e.

Kum 2003-09 chhungin Mizoramah Naupang pawngsual tum 536 thleng

Social Welfare department leh Human Rights & Law Network (HR&LN) tangkawpte chuan Mizorama mipat hmeichhiatna thila naupang khawih chingpen chungchang zirhona an buatsaih. Kum 2003 – 2009 chhung khan Mizoramah hmeichhe naupang khuaikhem  vawi 536 a thlenga chhinchhiah a ni.

Inkhawm kaihruaitu Social Welfare Director B Sairengpuii chuan, Mizo naupangte’n suahsualna chi hrang hrang an hmelhriat tam tâk thu sawiin, naupang khuaikhem chíngte pawh an pun tâk thu a sawi.

Pachhunga University College-a Asst. Professor, Rohmingmawii chuan, kum 2003 leh 2009 inkara Mizorama naupang pawngsual leh khuaikhem tâwkte chanchin zirchiannate hrilhfiahin, an kalpui dan leh an thil hmuhchhuahte a tarlang a, naupang khuaikhem leh a ven dan turte an sawiho nghal a ni.

Police (CID), District Police, CWC leh MHIP-in an chhinchhiah danin, kum 2003 atanga October 2009 thleng khan Mizoramah hmeichhe naupang pawngsual thubuai 536 ziahluh a ni.

Pawngsual tâwktu naupangte zingah hian pawngsual tâwk nawn an awm nual a; case study an neih 61 zinga 53-te chuan pawngsual an tawk nawn a, a pawngsualtute pawh mi ngai an ni tlangpui. Hetih lai hian, kum 2005-2009 chhung khan Mizorama mipa naupang khuaikhem thubuai 12 a awm niin CID-te chuan an chhinchhiah bawk. Pawngsual tâwktu naupangte hian enkawl zuina an dawng lem loa tarlan a ni.

PUC-a Asst. Professor, Rohmingmawii zirbingna atanga a lan danin, naupang kum 5-18 inkarte zahmawh film an en tawh em, tih a zawhna chhangtu naupang 595 zinga 55.78% chuan an en tawh thu an sawi a. Chu’ng zahmawh film en tawhtu naupangte zinga 36% chu anmahni in ngeia en an ni a, 64% chu mi dang ina en an ni. Middle school zirlai, kum 13 hnuai lam zinga 34.25%-in zahmawh film an en tawh tih tarlan a ni bawk.

He zirhona hunah hian Mizoram Women Commission Chairperson, Rozami, Social Welfare, Police, Prison, Education, kohhran leh MHIP aiawhte leh Human Rights & Law Network hruaitute an tel a ni.

Source vanglaini

Zawlaidi ûm Nuai 2 vel siam beisei

Hnahlan Grape Grower Society chuan Rs. Nuai 200 senga an din, Grape sâwrna khawl chu Thawhlehni a\ang khan hlawhtling takin an hmang \an ta a, Mizoram chuan Zu khap burna dan hmang mek mahse Wine erawh a siam chhuak dawn ta a ni.

Excise & Narcotics Deptt chuan Grape Wine siam thei tur hian Zu khap burna dan dinglai siam\hat rawtna siamin, sawkar chuan a pawmpui hnu-ah tunah hian 14% alchohol tel theihna tur Grape Wine siam chhuah a ni dawn ta a ni.

Grape sawr \ana nih hma hian inkhawm tawi buatsaih a ni a, he hun hi Hnahlan Grape Growers Society Chairman, Pu PC Lalrintluanga’n a kaihruai a, he hun hmanpuitu Excise & Narcotics Department Asst. Commissioner, Pu Lalngurnunga chuan Wine siam chhuah tur ‘Zawlaidi’ tia vuah chu zawrh dltu mi 90 an awm tawh tih a sawi a, ‘Zawlaidi’ chu 750ml. ûma siam tur a nih thu leh Grape chingtute thar chhuah a\ang hian tun dinhmunah ûm Nuai 2 vel siam theih beisei a ni a ti.

source:zothlifim